بنگلوں میں ڈکیتی کرنے والے 4 ملزمزن گرفتار

تیموریہ پولیس نے کارروائی کرتے ہوئے بنگلوں میں ڈکیتی کرنے والے 4 ملزمان کو گرفتار کر لیا۔

پولیس نے گرفتار ملزمان کے قبضے سے اسلحہ اور لوٹا گیا سامنا برآمد کر لیا۔

تفصیلات کے مطابق تیمور پولیس نے پیپلز چورنگی کے قریب کارروائی کرتے ہوئے شہریوں سے لوٹ مار کرنے والے چار ملزمان رنگے ہاتھوں گرفتار کر لیا۔

پولیس نے بتایا کہ گرفتار ملزمان میں مظہر،ندیم،احسان اللہ،اور ناصر شامل ہیں۔

پولیس نے بتایا گرفتار ملزمان نے نارتھ ناظم آباد ، گلبرگ ٹاون میں قائم بنگلوں میں ڈکیتی اور پولیس پر حملے کرنے کا اعتراف بھی کیا ہے۔

پولیس کا کہنا تھا کہ ملزمان وارداتوں میں رینٹ کی کاریں اور چوری کی موٹر سائیکلیں استمال کرتے تھے ، ملزمان سے چار پستول شہریوں سے چھینے گئے 7 موبائل فونز اے ٹی ایم کارڈ اور دو چوری کی موٹر سائیکلیں اور نقدی برآمد کرلی۔

ملزمان اس سے قبل بھی بنگلوں میں ڈکیتی اور پولیس پر حملوں سمیت سنگین مقدمات میں جیل جاچکے ہیں، پولیس نے ملزمان کے خلاف مقدمہ درج کر کے مزید شروع کر دی ہے۔