رینجرز نے گٹر میں چھپایا گیا اسلحہ برآمد کرلیا

کراچی کے علاقے لیاری کے دبئی چوک پر رینجرز نے بروقت کارروائی کرتے ہوئے گٹر میں چھپایا گیااسلحے سے بھرا ہوا بیگ برآمد کر لیا۔

پاکستان رینجرز(سندھ) کو شہریوں کی طرف سے اطلاع ملی کہ دبئی چوک لیاری میں واقع ایک گٹر کی صفائی کے دوران ایک مشکوک بیگ دیکھا گیا ہے۔

اس اطلاع پر سندھ رینجرز نے موقع پر پہنچ کر بیگ کو اپنی تحویل میں لے لیا اور اس کی تلاشی لی تو اس سے بڑی تعداد میں اسلحہ برآمد ہوا۔

اطلاعات کے مطابق یہ اسلحہ لیاری گینگ وار (زاہد لاڈلہ گروپ) کے شرپسند عناصر نے شہر میں دہشت گردی اور بدامنی پھیلانے کے لیے چھپا رکھا تھا۔برآمد کیے گئے اسلحے میں5 عدد ہینڈ گرینیڈ، 4 عدد ڈیٹونیٹرز، ایم 4 رائفل کی 1220گولیاں اور 8 ایم ایم رائفل کی 130 گولیاںشامل ہیں۔

پاکستان رینجرز سندھ نے عوام سے اپیل کی ہے کہ وہ دہشت گردی کی روک تھام کے لیے قانون نافذ کرنے والے اداروں کا ساتھ دیں اور مشکوک سرگرمی میں ملوث عناصر کی اطلاع فوری طور پر قریبی رینجرزچیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر03162369996 پر کال یا ایس ایم ایس کے ذریعے دیں،اطلاع دینے والے شخص کا نام صیغہ راز میں رکھا جائے گا۔