گلشن اقبال میں رات گئے ڈاکوئوں نے مزاحمت پر ایک شخص کوزخمی کردیا

کراچی کے علاقے گلشن اقبال بلاک13ڈی میں رات گئے ڈاکوئوں نے مزاحمت پرفائرنگ کرکے ایک شخص کوزخمی کردیا جسے پولیس نے موقع پر پہنچ کر امدادی اداروں کی ایمبولینس میں قریبی اسپتال منتقل کیا۔

نجی ٹی وی کے مطابق کراچی کے علاقے گلشن اقبال بلاک13ڈی میں رات گئے مسلح موٹرسائیکل سواورڈاکوئوں نے لوٹ مار کے دوران مزاحمت پرفائرنگ کرکے ایک شخص کوزخمی کردیا۔

ایمرجنسی نمبرپر اطلاع ملنے پر پولیس نے موقع پر پہنچ کر امدادی اداروں کی ایمبولینس میں قریبی اسپتال منتقل کیااورواقعہ کی رپورٹ درج کرکے ملزمان کی تلاش شروع کردی ہے۔

دوسری جانب اسی وقت ٹاور سے آگے گلبائی کےمقام پر ہلکی بارش اور بونداباندی کےباعث پیداہونےوالی پھسلن سے گاڑی الٹ گئی جس کے باعث گاڑی میں سوار6افرادزخمی ہوگئےجنہیں سول اسپتال منتقل کردیاگیاہے۔