کراچی میں ڈیفنس لائبریری کے قریب ٹرالر الٹ گیا،روڈ بند

کراچی میں ڈیفنس لائبریری کے قریب تیز رفتارٹرالرٹائر پنکچر ہونے کے باعث الٹ گیا، حادثے کے دوران خوش قسمتی سے کوئی جانی نقصان نہیں ہوا۔

نجی ٹی وی چینل کے مطابق ڈیفنس لائبریری کے قریب پنجاب چورنگی سے کورنگی جانے والے روڈ پر ٹرالر کا ٹائر برسٹ ہوگیااور ٹرالر ڈرائیورسے بےقابوہوکر روڈ پر الٹ گیا۔

حادثے کے باعث سڑک مکمل طور پرٹریفک کے لئے بند ہوگئی جبکہ ٹرالر کی ٹکر کی وجہ سے بجلی کا کھمبابھی گر گیا اورتاریں ٹوٹ گئیں۔

اطلاع ملنے پر علاقہ پولیس اورٹریفک پولیس نے بھاری مشینری کے زریعے جائےحادثہ سے ٹرالر کوہٹادیالیکن بجلی کے کھمبے کی بحالی کے کام کے باعث روڈ ٹریفک کے لئے بندکرناپڑا۔