پی ایس ایل فور: ملتان سلطانز کو پشاور زلمی کے ہاتھوں شکست

شارجہ :پی ایس ایل کے چوتھے ایڈیشن کے میچز جاری ہیں ، آج 14ویں میچ میں پشاور زلمی اور ملتان سلطانز آمنے سامنے تھے تاہم پشاور زلمی نے ملتان سلطانز کو 5وکٹوں سے شکست دیدی ۔
پشاور زلمی کے کپتان ڈیرن سیمی نے ٹاس جیت کر پہلے ملتان سلطانز کو بیٹنگ کی دعوت دی تو جیمز ونس اور عمر صدیق نے اننگز کا آغاز کیا تاہم اننگز کی دوسری گیند پر حسن علی نے ونس کو بغیرکو ئی رن بنائے بولڈ کردیا ،عمر صدیق اور جونسن چارلس نے دوسری وکٹ کے لیے80رنز کا اضافہ کیا اور جونسن چارلس نے34گیندوں پر 53رنز بنا ئے،عمر صدیق20رنز سکور کرکے لیام ڈاسن کا شکار بنے، کرسٹیان 19رنز سکور کرکے ثمین گل کی گیند پر پوویلین لوٹے،شعیب ملک22رنز بنا کر حسن علی کی دوسری وکٹ بنے،شاہد آفریدی کی اننگز 14رنز تک محدود رہی ،حماد اعظم اگلی ہی گیند پر ایل بی ڈبلیو آؤٹ ہوئے،محمد الیاس صرف ایک رن سکور کرسکے جبکہ جنید خان بغیر کوئی رن بنائے رن آؤٹ ہوگئے،پشاور زلمی کی جانب سے حسن علی نے 4، سمین گل، عمید آصف، ڈیوڈ ملان اور وہاب ریاض نے 1،1 وکٹ حاصل کی۔
ملتان سلطانز کی جانب سے146رنز کے ہدف کے تعاقب میں کامران اکمل اور امام الحق نے پشاور زلمی کے لیے اننگز کا آغاز کیا تاہم کامران اکمل4رنز بنا کر محمد عرفان کا شکار بن گئے، ڈیوڈ مالان اور امام الحق نے دوسری وکٹ کے لیے68رنز جوڑے ،ملان 38رنز سکور کرکے ڈینیئل کرسٹیان کی گیند پر آؤٹ ہوگئے ،اما م الحق اور لیام ڈاسن نے تیسری وکٹ کے لیے40رنز جوڑے جس کے بعد ڈاسن18رنز سکور کرکے کرسٹیان کا دوسرا شکار بنے،کیرون پولارڈ4چھکوں کی مدد سے25رنز بنا کر جنید خان کا دوسرا شکار بنے،ڈیرن سیمی اور وہاب ریاض نے پشاور زلمی کو جیت دلا دی۔