کراچی میں پی ایس ایل کا میلہ آج شروع ہوگا، تیاریاں مکمل، شائقین پرجوش

پاکستان سپر لیگ 4  کے دوسرے مرحلے کےمیچز آج سے کراچی میں شروع ہورہے ہیں۔ آج پہلا میچ لاہور قلندرز اور اسلام آباد یونائیٹڈ کے درمیان کھیلا جائے گا جو شام سات بجے شروع ہوگا۔

کراچی میں پی ایس ایل کیلئے سیکیورٹی اور ٹریفک کے خصوصی پلان ترتیب دیے گئے ہیں۔ اسٹیڈیم میں پانچ پارکنگ ایریابنائے گے ہیں، چار یونیورسٹی روڈ پراور ایک ڈالمیاروڈ پر ہوگا۔

میچ دیکھنے والوں کوپارکنگ سے شٹل سروس کے ذریعے سٹیڈیم تک پہنچایا جائے گا۔ کراچی پولیس کی جانب سے شائقین کو دو گھنٹے پہلے پہنچنے کی ہدایت کی گئی ہے۔

میچ دیکھنے والے شائقین کے لیے ٹکٹ اور اصل شناختی کارڈ رکھنا لازم ہوگا۔ میچ کے دوران کچھ شاہراہیں بند ہونگی۔

کارساز سے حسن سکوائر تک ، ملینم سے آغاخان گیٹ نمبر 3 تک بند ہوگا، اسٹیڈیم کے عقب والی سڑکیں بھی ہوں گی۔

اسٹیڈیم کے عقب کے رہاشی اصل شناختی کارڈ دکھا کر رہاشی علاقے میں جاسکیں گے۔ اسپتال جانے والے افراد نیوٹاؤن کٹ سے آغاخان اور لیاقت نیشنل جاسکیں گے۔