بلوچستان کے مختلف علاقوں میں زلزلے کے جھٹکے

بلوچستان کے مختلف علاقوں میں زلزلے کے جھٹکے محسوس کئے گئے، زلزلے کے جھٹکے محسوس ہوتے ہی ان علاقوں کے شہری کلمہ طیبہ کا ورد کرتے ہوئے اپنے گھروں، دکانوں اور دفاتر سے باہر کھلی جگہوں پر آگئے۔

نجی ٹی وی کے مطابق کوئٹہ، سبی، بولان، مستونگ سمیت مختلف علاقوں میں زلزلے کے جھٹکے محسوس کیے گئے ہیں۔

زلزلے کے جھٹکے محسوس ہوتے ہی ان علاقوں کے شہری کلمہ طیبہ کا ورد کرتے ہوئے اپنے گھروں، دکانوں اور دفاتر سے باہر کھلی جگہوں پر آگئے۔

زلزلہ پیما مرکز کے مطابق زلزلے کی شدت 5.0 ریکارڈ کی گئی جس کا مرکز سبی سے 43 کلو میٹر جنوب مغرب میں تھا۔

زلزلے سے کسی قسم کے نقصان کی فوری طور پر کوئی اطلاع موصول نہیں ہوئی ہے۔