3 روز قبل اغوا ہونے والے 2 ڈاکٹرز قتل کردیئے گئے

اٹک میں 3روز قبل اغوا ہونے والے 2 ڈاکٹروں کی لاشیں مل گئی ہے۔ جنہیں ملزمان نے نامعلوم وجوہات کی بنا پر قتل کردیا۔

نجی ٹی وی کے مطابق اٹک کے علاقے فتح جنگ گلی جاگیر سے تین روز قبل اغوا ہونے والے دونوں ڈاکٹرز کی لاشیں ڈھوک صوبہ سے ملی ہیں۔

ڈاکٹر طاہر عزیز اور افتخار تین روز قبل اپنی زمینوں پر جاتے ہوئے لاپتہ ہو گئے تھے جس کے بعد ان کے اہلخانہ نے اغوا کی ایف آئی آر درج کروائی تھی۔

پولیس کا کہنا ہے کہ دونوں مقتولیں کی لاشیں پوسٹ مارٹم کیلئے اسپتال منتقل کردی گئی ہیں اور مقدمہ درج کرکے تفتیش بھی شروع کردی گئی ہے۔