گھر میں آتشزدگی سے ماں اور 2 بچے جھلس کر ہلاک

کراچی کے علاقے جمشید روڈ پر گھر میں آگ لگنے سے ماں اور دو بچے جھلس کر ہلاک ہوگئے۔

نجی ٹی وی کے مطابق کراچی کے علاقے جمشید روڈ پر تین ہٹی کے قریب ایک گھر میں آگ لگ گئی جس نے دیکھتے ہی دیکھتے شدت اختیار کرلی اور گھر میں موجود خاتون اور بچوں کو گھر سے نکلنے کا موقع نہ ملا جس کے باعث وہ جھلس کر جاں بحق ہوگئے۔

واقعے میں جاں بحق ہونے والوں میں ایک خاتون، ایک کمسن لڑکی اور ایک کمسن لڑکا شامل ہیں، خاتون کی شناخت شمائلہ کے نام سے ہوئی، ان کے بچوں میں 8 سالہ انیسہ اور 7 سال کے سفیان شامل ہیں۔

اطلاع ملتے ہی ریسکیو اہلکاروں نے موقع پر پہنچ کر آگ پر قابو پالیا اور ماں اور بچوں کی لاشیں قریبی اسپتال منتقل کردیں۔