احتجاج کرنے والے ٹیچر پر گیس شیلنگ اور لاٹھی چارج، ایک زخمی

کراچی پریس کلب کے سامنے اپنے مطالبات کی منظوری کیلئے احتجاج کرنے والے ٹیچرز پر پولیس کی جانب سے کی جانے والی گیس شیلنگ اور لاٹھی چارج سے ایک ٹیچر زخمی ہوگیا، پولیس نے درجنوں ٹیچرز کو گرفتار کرلیا

نجی ٹی وی کے مطابق کراچی پریس کلب کے سامنے اپنے مطالبات کی منظوری کیلئے احتجاج کرنے کے بعد ٹیچرز کے چیف منسٹر ہائوس کی جانب بڑھنے پر انہیں آرٹس کونسل کے پاس روک لیا گیا۔

پولیس کی جانب سے نہ رکنے پر پولیس نے اساتذہ پر گیس شیلنگ اور لاٹھی چارج  کیا جس سے ایک ٹیچر زخمی ہوگیا، پولیس نے درجنوں ٹیچرز کو گرفتار کرلیا۔

جناح اسپتال کراچی کی ڈائریکٹر سیمی جمالی کے مطابق زخمی ٹیچر کو جناح اسپتال لایا گیا جسے ابتدائی طبی امداد دی گئی۔