انٹر پول کا حسین نواز کے ریڈ وارنٹ جاری کر نے سے انکار

انٹر پول نے سابق وزیراعظم نوازشریف کے بیٹے حسین نواز کے ریڈ وارنٹ جاری کر نے سے انکار کر دیاہے ۔

پاکستان نے انٹرپول سے حسین نواز کے ریڈ وارنٹ جاری کرنے کی درخواست کی تھی جسے یہ مسترد کر دیا گیاہے ۔

درخواست مسترد کرنے کا فیصلہ 11 صفحات پرمشتمل ہے جس میں کہا گیاہے کہ الزامات سے متعلق پاکستانی حکام نے قابل اعتبار شواہد جمع نہیں کرائے ، اس لیے حسین نواز کے ریڈوارنٹ جاری نہیں کیے جا سکتے ۔

یاد رہے کہ حسین نواز شریف پاناما کیس میں نامزد تھے اور احتساب عدالت نے انہیں اشتہاری قرار دے رکھا ہے۔