کرپشن انکوائری مکمل۔امیر مقام کے بیٹے سمیت پانچ ٹھیکیدارگرفتار

شانگلہ الپوری روڈ کی تعمیرمیں مبینہ کرپشن کی انکوائری مکمل،ایف آئی اے نے امیر مقام کے بیٹے سمیت پانچ ٹھیکیداروں کوگرفتار کرلیا ، امیرمقام اینڈکمپنی سے62کروڑ 60لاکھ ملین روپے ریکورکیے جائیں۔

شانگلہ الپوری روڈتعمیرمیں مبینہ کرپشن کی انکوائری مکمل ہونے پر ایف آئی اے نے مسلم لیگ ن کے اہم رہنماامیرمقام کے بیٹے کو گرفتار کرلیاہے ، امیرمقام کے بیٹے اشتیاق کے ساتھ 5ٹھیکیدا ر بھی گرفتار کیے گئے ہیں۔

ملزما ن کے خلاف شانگلہ الپوری روڈمیں مبینہ کرپشن کامقدمہ بھی درج کرلیا گیا ہے، مقد مے میں ٹھیکیداروں،پراجیکٹ ڈائریکٹر،این ایچ اے اورانجینئرزنامزدکیا گیاہے ۔

این ایچ اے کے 11اعلیٰ افسران کیخلاف محکمانہ کارروائی کی سفارش کی گئی ہے جبکہ ایف آئی اےانکوائری میں امیرمقام اینڈکمپنی کوبلیک لسٹ کرنےکی تجویز بھی ہے۔