بھرتی کے خواہش مندوں کا احتجاج، نائنتھ ایونیو بلاک،میٹرو اسٹیشن بند

وفاقی دارالحکومت اسلام آباد میں (اسلام آباد الیکٹرک سپلائی کمپنی) کی جانب سے بنا بتائے امیدواروں کا وںٹیسٹ منسوخ کرنے کے انتظامی فیصلے کے خلاف شرکت کے خواہش مندوں نے احتجاج شروع کرکے پوٹھو ہار میٹرو اسٹیشن سمیت نائنتھ ایونیو بند کردی ہے۔

نجی ٹی وی کے مطابق میٹرو اسٹیشن اورعلاقے کے بلاک ہونے کی اطلاع ملنے پر پولیس اور ضلعی انتظامیہ موقع پرپہنچ گئی ہے۔

طے شدہ پروگرام کے تحت آئیسکو میں جونیئر انجینئرز، اے ایل ایم اور بل ڈسٹری بیوٹرز کی خالی آسامیوں پر بھرتی کے خواہش مندوں کے تحریری امتحانات لیے جانے تھے لیکن جب طے شدہ پروگرام کے تحت امیدوار پہنچے تو انہیں بتایا گیا کہ امتحانات نہیں لیے جائیں گے کیونکہ وہ منسوخ کردیے گئے ہیں۔

ترجمان کے مطابق تحریری امتحانات لینے کی ذمے دار این ٹی ایس انتظامیہ کا مؤقف ہے کہ امیدواروں کے امتحانات کی نئی تاریخ کا اعلان بعد میں کیا جائے گا۔