سرجانی ٹاؤن میں بہو کے ساتھ زیادتی کے الزام میں سُسر گرفتار

کراچی کے علاقے سرجانی ٹاؤن میں بہو کے ساتھ زیادتی کے الزام میں سُسر کو گرفتار کر لیا گیا۔

ذرائع کے مطابق متاثرہ خاتون نازو کی درخواست پر ان کے سُسر صفدرکو گرفتارکیا گیا ہے جس کا مقدمہ سرجانی ٹاون تھانے میں درج کیا گیا ہے۔

پولیس ایف آئی آر کے مطابق خاتون نے بیان دیا کہ میرے شوہرکام کے لیے اسلام آباد میں رہتے ہیں وہ صرف 10،15 دنوں کے لیے گھر آتے ہیں اور میں تین بچوں کے ساتھ سرجانی ٹاؤن میں اکیلی رہتی ہوں۔

متاثرہ خاتون نے بتایا کہ شوہر کی غیرحاضری میں سُسرنے مجھ پر تشدد کیا اورمیرے ساتھ زیادتی بھی کی، شوہراور رشتے داروں کو جب آگاہ کیا  تو انہوں نے مجھ سے ثبوت مانگا میں نے ثبوت کے طورپر سُسر کی ویڈیو بنائی۔

پولیس کا کہنا ہے کہ ملزم صفدر کو گرفتارکرکے تفتیش کا آغازکردیا گیا ہے۔