امریکا میں فائرنگ سے 4 افراد ہلاک،5 زخمی

امریکی ریاست کنساس کے ایک بار میں فائرنگ سے 4 افراد ہلاک اور متعدد زخمی ہو گئے۔

پولیس ترجمان کے مطابق فائرنگ کا واقعہ کنساس شہر کے ٹکوئلا بار میں پیش آیا، جس میں 4 افراد ہلاک اور5 زخمی ہوئے جنہیں فوری طور پر اسپتال منتقل کر دیا گیا۔

پولیس حکام کا کہنا ہے کہ نصف شب کے قریب ایک حملہ آور بار میں داخل ہوا اور اندھا دھند فائرنگ شروع کردی,

پولیس حکام کا کہنا ہے کہ حملہ آورکو تاحال گرفتارنہیں کیا جا سکا اورنہ ہی حملے کہ وجوہات کا پتہ چل سکا ہے۔

9 shot, 4 dead at 10th and Central Ave.

— KCKPD (@KCKPDHQ) October 6, 2019

پولیس ترجمان کا کہنا ہے کہ واقعے کی جگہ سے شواہد اکٹھے کر کے تحقیقات کا آغاز کر دیا گیا ہے اور بہت جلد حملہ آور تک پہنچ جائیں گے۔