جج ویڈیو اسکینڈل۔نواز شریف کی متفرق درخواست منظور

اسلام آباد ہائیکورٹ نے العزیزیہ ریفرنس میں نوازشریف کی سزاکےخلاف اپیل کی سماعت کاتحریری حکم نامہ جاری کردیا۔

اسلام آبادہائی کورٹ کے جسٹس عامرفاروق اورجسٹس محسن اخترکیانی نے تحریری حکم جاری کیا،عدالت نے کہا کہ نواز شریف نے اپیل کے دوران اضافی شواہد کا جائزہ لینے کی درخواست کی تھی۔

تحریری حکم نامے میں کہا گیا ہے کہ جج ویڈیو اسکینڈل کے حوالے سے نواز شریف کی متفرق درخواست منظورکرتے ہوئے نیب کو نوٹس جاری کردیااور 14 روز میں جواب جمع کرانے کی ہدایت کی گئی ۔

تحریری حکم میں کہا گیا ہے کہ کیس پیپربکس کی تیاری ہو چکی فریقین نے کاپیاں حاصل کرلیں،اسلام آباد ہائیکورٹ نے کیس مزید 2ہفتے کے بعد سماعت کے لیے مقرر کرنے کا حکم دیدیا۔