امن کا نوبیل انعام ایتھوپین وزیراعظم نے حاصل کرلیا

2019 کا نوبیل امن انعام ایتھوپین وزیراعظم آبی احمد علی نے حاصل کرلیا۔

ایتھوپیا کے وزیر اعظم آبی احمد علی کو بین الاقوامی تعاون اور امن حاصل کرنے پر امن کے نوبیل انعام سے نوازا گیا۔

BREAKING NEWS:
The Norwegian Nobel Committee has decided to award the Nobel Peace Prize for 2019 to Ethiopian Prime Minister Abiy Ahmed Ali.#NobelPrize #NobelPeacePrize pic.twitter.com/uGRpZJHk1B

— The Nobel Prize (@NobelPrize) October 11, 2019

گزشتہ برس ایتھوپیا نے پڑوسی ملک اریٹیریا کے ساتھ 20 سال سے جاری سرحدی جنگ کے خاتمے کے لیے ایک معاہدہ کیا تھا، فوجی تنازع کے پرامن حل کے لیے آبی احمد علی کو نوبیل کے 100 ویں امن انعام سے نوازا گیا۔

امن کے نوبیل انعام کے حوالے سے مختلف قسم کی چہ مگوئیاں کی جا رہی تھیں لیکن 223 افراد اور 78 نامزد تنظیموں میں قرعہ ایتھوپیا کے وزیراعظم کے نام نکلا۔

خیال رہے کہ پاکستان سے تعلق رکھنے والی نوجوان طالبہ ملالہ یوسفزئی بھی 2014 میں امن کا نوبیل انعام حاصل کر چکی ہیں۔