پاکستان نے کولمبیا کی مضبوط ٹیم کو اپ سیٹ شکست دیدی

سوکا ورلڈ کپ سے قبل ہی پاکستانی ٹیم نے کولمبیا کی مضبوط ٹیم کو اپ سیٹ شکست دیدی۔سوکا ورلڈ کپ سے قبل پاکستانی ٹیم نے بڑا کارنامہ سرانجام دیدیا۔ دوستانہ فٹبال میچ میں شاہینوں نے کولمبیا کی مضبوط ٹیم کو اپ سیٹ شکست دیدی۔

سوکا ورلڈ کپ میں شرکت کے لیے قومی سوکا ٹیم یونان کے شہر کریٹ میں موجود ہے جہاں انہوں نے مخالفین کے لیےخطرے کی گھنٹی بجا دی۔

میگا ایونٹ کی تیاری کے لیے کھیلے گئے میچ میں پاکستانی ٹیم نے عمدہ کارکردگی کا مظاہرہ کرتے ہوئے کولمبیا کا ڈٹ کر مقابلہ کیا اورکولمبیا کی مضبوط ٹیم کوایک کے مقابلے میں دو گول سے شکست دیدی۔

پاکستان دوسرے سوکا ورلڈ کپ میں اپنا پہلا میچ پیرکوسلووینیا کے خلاف کھیلے گا۔سوکا فٹبال ورلڈ کپ میں شرکت کے لیے قومی ٹیم 10 اکتوبرکوکراچی سے یونان روانہ ہوئی تھی۔

40 ٹیموں پر مشتمل ایونٹ میں قومی ٹیم کو گروپ’ایچ‘ میں رکھا گیا ہے قومی فٹبال ٹیم کا سوکا ورلڈکپ میں پہلا میچ 14 اکتوبرکوسلووینیا سے ہو گا۔