بھارت کے 4 ہاکی کھلاڑی کارحادثے میں ہلاک،3 زخمی

بھارت میں 4 نیشنل لیول کے ہاکی پلیئرز کار حادثے میں ہلاک ہو گئے ہیں جبکہ تین زخمی ہوئے ہیں جنہیں طبی امداد کیلیے ہسپتال منتقل کر دیا گیاہے۔

بھارتی میڈیا کے مطابق تمام پلیئرز دھیان چند ٹرافی میں حصہ لینے کیلئے ” اتراسی“ سے ہوشنگاآباد جارہے تھے کہ راستے نیشنل پائی وے پر ریسالپور گاﺅں کے قریب گاڑی کو حادثہ پیش آ گیا جس میں4 کھلاڑی موقع پر ہی دم توڑ گئے جبکہ 3 کو چوٹیں آئیں ہیں جن میں سے ایک کی حالت تشویشناک بتائی جارہی ہے۔ہلاک ہونے والوں میں آدرش ہردوا، اشیش لال ، انکت اور شاہنواز خان شامل ہیں ۔

انڈیا ٹی وی کا اپنی رپورٹ میں کہناہے کہ گاڑی ڈرائیور کے کنٹرول سے باہر ہو گئی تھی جس کے باعث وہ سیدھی درخت سے جا کر ٹکرائی اور زور دار تصادم ہوا ۔پولیس نے مقدمہ درج کرکے حادثے کی نوعیت جانچنے کیلئے تحقیقات کا آغاز کر دیاہے ۔