ڈیفنس میں دکان میں دھماکے سے 3 افراد زخمی

ڈیفنس خیابان بدرکی دکان میں دھماکے سے 3 افراد زخمی ہوگئے۔

نجی ٹی وی کے مطابق کراچی کے علاقے ڈیفنس خیابان بدرمیں ہیئرڈریسر کی دکان میں دھماکہ ہوا، جس کے نتیجے میں 3 افراد زخمی ہوگئے۔ دھماکے کے فوری بعد پولیس پہنچی اور جائے وقوعہ سے شواہد جمع کیے۔ پولیس نے بم ڈسپوزل اسکوڈ کی ٹیم کو طلب کرلیا۔

ریسکیوذرائع کے مطابق زخمیوں کی شناخت 28 سالہ محمد رضا ،17 سالہ مدنی ،21 سالہ ناظم کے نام سے کرلی گئی جب کہ ایک زخمی کی حالت تشویشناک ہے۔

پولیس کا کہنا ہے کہ جائے حادثہ پر بارود کی موجودگی کے  شواہد نہیں ملے، لگتا ہے کہ ہیئر ڈریسر کی دکان کھولی گئی تو گیس موجود ہونے سے دھماکہ ہوا،2 دکانوں کو زیادہ جبکہ دیگر دکانوں کا کم نقصان ہوا ہے۔