ماہا نامی سمندری طوفان کراچی سے 795 کلو میٹر دور

بحیرہ عرب کے مشرقی وسط میں موجود طوفان ماہا گزشتہ 12 گھنٹوں سے شمال مغرب کی جانب بڑھ رہا ہے۔

محکمہ موسمیات کے مطابق ماہا نامی سمندری طوفان کراچی سے 795 کلو میٹر دور جنوب میں موجود ہے، طوفان کی سطح پر 120 سے 140 کلو میٹر فی گھنٹہ کی رفتار سے ہوائیں چل رہی ہیں۔

ذرائع کے مطابق سمندری طوفان ماہا مزید شدت اختیار کرکے شدید ترین طوفان میں تبدیل ہوجائے گا اور کل تک مغرب اور شمال مغرب کی جانب بڑھے گاجس کے بعد یہ اپنا رخ شمال مشرق میں بھارتی گجرات کی جانب کرے گا۔