بھارت۔دو ٹرینوں میں ٹکر،30 مسافر زخمی ہوگئے

بھارت کے شہرحیدرآباد میں دو ٹرینوں کے درمیان ٹکرکے نتیجے میں30 مسافر زخمی ہوگئے ۔ یہ حادثہ کچی گوڈا ریلوے اسٹیشن پر پیش آیا ۔ ابتدائی معلومات کے مطابق اب تک 30 مسافروں کے زخمی ہونے کی  اطلاع ہے،زخمیوں کو قریبی اسپتال میں علاج کیلیے منتقل کردیا گیا ہے۔ 10 مسافروں کی حالت تشویشناک بتائی جارہی ہے ۔

یہ حادثہ اس وقت پیش آیا جب ایم ایم ٹی ٹرین نے پہلے سے ہی پلیٹ فارم پر کھڑی کینگو ایکسپریس میں ٹکر ماردی ۔ بتایا جارہا ہے کہ یہ حادثہ سگنل فیل ہونے کی وجہ سے پیش آیا ۔ حادثہ کے بعد کئی ٹرینوں کے اوقات میں تبدیلی کردی گئی ہے۔