فردوس شمیم نقوی کو اسکول کے دورے کے دوران خجالت کا سامنا

پاکستان تحریک انصاف کے رہنما فردوس شمیم نے کراچی میں ایک کا دورہ کیا جہاں بچوں کے غیر سیاسی جواب نے ان کی توقعات پر پانی پھیر دیا۔

ہوا کچھ یوں کہ حال ہی میں پاکستان تحریک انصاف کے رہنما فردوس شمیم نقوی نے کراچی کے گورنمنٹ اسکول کا دورہ کیا۔

انہوں نے طالبات سے مختلف سوالات پوچھے، تاہم ایک سوال ایسا تھا جس کے جواب پر فردوس شمیم نقوی کو خجالت کا سامنا کرنا پڑا جب کہ کلاس میں موجود تمام لوگ ہنس پڑے۔

https://twitter.com/javedeqbalpk/status/1199961418675752960

پی ٹی آئی رہنما نے کلاس کی طالبات سے پوچھا پاکستان کی سب سے مشہورشخصیت کون ہے؟ جس پربچی نے جواب دیتے ہوئے کہا کہ ’’نواز شریف‘‘۔ بچی کی جانب سے دیے گئے اس جواب پر فردوس شمیم نقوی خجالت کا شکارہوگئے جب کہ کلاس میں موجود تمام اساتذہ ہنس پڑے۔

بعد ازاں پی ٹی آئی رہنما نے اپنی خجالت کو مٹانے کے لیے ایک اور سوال پوچھا، اچھا تو نواز شریف کیوں مشہور ہیں؟ طالبہ نے اس سوال کا جواب دیتے ہوئے کہا کیونکہ انہوں نے پاکستان کے لیے اچھے کام کیے۔