طالبان جنگجوؤں نے دو پولیس چیک پوسٹوں پر حملہ کردیا

طالبان جنگجوؤں نے صوبے کی دو پولیس چیک پوسٹوں پر حملہ کردیا جس کے نتیجے میں افغان پولیس کمانڈر سمیت 10 اہلکار ہلاک ہوگئے جب کہ جوابی فائرنگ سے 3 جنگجو بھی مارے گئے۔

بین الاقوامی خبر رساں ادارے  کے مطابق افغانستان کے صوبے قندوزکے ضلع امام صاحب میں طالبان جنگجوؤں نے 2 پولیس چیک پوسٹوں پر حملہ کردیا جس کے نتیجے میں پولیس کمانڈر محمد ظاہر سمیت 10 اہلکار ہلاک ہوگئے۔

پولیس ترجمان کا کہنا ہے کہ جوابی کارروائی میں 3 طالبان جنگجو جاں بحق اور متعدد زخمی ہوگئے۔ پولیس نے حملہ آوروں کو بھاگنے پر مجبور کردیا۔ حملہ آوروں کی گرفتاری کیلیے علاقے میں سرچ آپریشن کا آغاز کردیا گیا ہے۔

طالبان نے حملے کی ذمے داری قبول کرتے  ہوئے دعویٰ کیا ہے کہ حملے میں 20 سے زائد پولیس اہلکار ہوئے ہیں۔ قندوز صوبے کے اکثرعلاقوں پر طالبان کا قبضہ ہے اور یہاں طالبان جنگجوؤں اور سیکیورٹی فورسز کے درمیان جھڑپیں عام ہیں۔

صدر ٹرمپ کی جانب سے امن مذاکرات کی بحالی کے اعلان پر طالبان نے مشاورت کے بعد ردعمل دینے کا عندیہ دیا تھا تاہم اب تک اس سلسلے میں کوئی پیشرفت نہیں ہوسکی جبکہ صدارتی الیکشن کے نتائج کا بھی تاحال اعلان نہیں کیا گیا جس کے باعث امن وامان کی صورت حال بد سے بدتر ہوتی جا رہی ہے۔