ثانیہ مرزا کی بہن انعم اوراسدالدین رشتہ ازدواج میں منسلک ہوگئے

بھارتی ٹینس اسٹارثانیہ مرزا کی بہن انعم اوراسدالدین گذشتہ شب حیدرآباد میں رشتہ ازدواج میں منسلک ہو گئے۔ اسدالدین مشہورکرکٹر محمد اظہرالدین کے صاحبزادے ہیں ۔

انعم نے انسٹاگرام پراپنی شادی کی کچھ تصاویر شیئر کرکے اس خبر کی تصدیق کی ہے۔ سوشل میڈیا پر لوگ انعم اور اسد کی شادی کی تصاویر کو کافی پسند کر رہے ہیں۔

انعم دلہن کے روپ میں بہت خوبصورت نظرآ رہی ہیں۔ اس موقع پر انہوں نے روایتی گلابی رنگ کا لباس زیب تن کیا ، جبکہ اسد نے بادامی رنگ کی شیروانی پہن کر محفل میں چار چاند لگا دیے ۔ تصویر شیئر کرتے وقت انعم نے کیپشن میں لکھا ، ”مسٹر اینڈ مسز! الحمد اللہ فارایوری تھِنگ۔