تیز رفتار موٹر سائیکل پانی کے ٹینکر سے جا ٹکرائی۔2 بھائی جاں بحق

کراچی کے علاقے کورنگی انڈسٹریل ایریا میں تیز رفتار موٹر سائیکل پانی کے ٹینکر سے ٹکرا گئی، حادثے میں 2 سگے بھائی جاں بحق ہوگئے۔

ذرائع کے مطابق کورنگی انڈس چورنگی کے قریب حادثے میں جاں بحق ہونے والے بھائیوں کی شناخت نسیم اور وسیم کے نام سے ہوئی ہے اوردونوں ہی گھر سے صبح ملازمت پر جانے کے لیے نکلے تھے۔

حادثے میں جاں بحق ہونے والے لڑکوں کے والد عبدالغفار کا کہنا ہے کہ میرے 2 ہی بیٹے تھے جن کی عمریں 19 اور20سال تھیں۔انہوں نے کہا کہ حادثے نے میری دنیا اندھیرکردی ہے۔

اسپتال حکام کی جانب سے پوسٹ مارٹم اور قانونی کارروائی کے بعد لاشیں ورثا کے حوالے کردی گئی ہیں۔