بہاولنگر کے قریب ٹریفک حادثہ۔7 افرادجاں بحق

بہاولنگر کے علاقے فقیروالی میں اڈالطیف آبادکے قریب بس الٹ گئی،حادثے میں7 افرادجاں بحق،20 زخمی ہو گئے۔

میڈیا رپورٹس کے مطابق فقیر والی میں اڈا لطیف آباد کے قریب بس الٹ گئی جس کے نتیجے میں7 افراد جاں بحق اور20 زخمی ہو گئے، بس فورٹ عباس سے لاہورجاتے ہوئے دھند کے باعث حادثے کاشکارہوئی،حادثے کی اطلاع ملتے ہی ریسکیو کی ٹیمیں جائے حادثہ پر پہنچ گئیں،جاں بحق اور زخمی افراد کو ہسپتال منتقل کردیاگیا۔

جاں بحق ہونے والے مسافروں میں نازیہ بی بی، اقرا بی بی، محمد ندیم، انیلا یونس اور محمد ہاشم شامل ہیں۔

وزیراعلیٰ پنجاب سردارعثمان بزدارنے فورٹ عباس میں ٹریفک حادثے میں قیمتی انسانی جانوں کے ضیاع پر دکھ اورافسوس کا اظہارکرتے ہوئے لواحقین سے دلی ہمدردی واظہارتعزیت کیا۔ انہوں نے ہدایت کی کہ زخمی افراد کو علاج معالجے کی بہترین سہولتیں فراہم کی جائیں۔