سالِ نو پر کراچی فائرنگ اور دھماکوں سے گونج اٹھا.7افراد زخمی

سالِ نو کے موقع پر رات 12 بجتے ہی کراچی فائرنگ اور دھماکوں سے گونج اٹھا، رینجرز اور پولیس کی بھاری نفری کی موجودگی اور گشت کے باوجود مختلف علاقوں میں نوجوان ٹولیوں کی شکل میں ہلڑ بازی اور ہوائی فائرنگ کرتے رہے.

مختلف علاقوں میں جشن منانے کے دوران فائرنگ سے7 افراد زخمی ہوئے جنہیں سول اور عباسی شہید اسپتال منتقل کردیا گیا۔

محمود آباد میں ہوائی فائرنگ سے45 سالہ خاتون رادھا زخمی ہوئی جبکہ لیاقت آباد کے علاقے ایف سی ایریا میں فائرنگ سے رحیم زخمی ہوگیا۔

جناح اسپتال کی رہائشی کالونی میں راحیل کو گولی لگی اور لائنز ایریا کے علاقے جٹ لائن میں فائرنگ سے27 سالہ نعمان زخمی ہوا۔فائرنگ سے زخمی ہونے والے دیگر افراد کا تعلق بلدیہ اوراورنگی ٹاؤن سے ہے۔