تائیوان کاہیلی کاپٹر تباہ۔آرمی چیف سمیت8 فوجی افسر ہلاک

تائیوان کا فوجی ہیلی کاپٹر گرکر تباہ ہو گیاہے جس میں چیف آف جنرل ”شین ژی منگ “ سمیت 8 فوجی افسران ہلاک ہوگئے ۔

تائیوان کی وزارت دفاع کی جانب سے جاری کر دہ بیان میں کہا گیاہے کہ بلیک ہاک ہیلی کاپٹرمیں 13 لوگ سوار تھے جس کا صبح 8 بج کر 22 منٹ پر ریڈار سے رابطہ منقطع ہو گیا تھا۔

ہیلی کاپٹر نے فنی خرابی کے باعث تائی پے میں ایمرجنسی لینڈنگ کی کوشش کی جس دوران وہ کر یش کرگیا،حادثے میں ایئر فورس کے جنرل ” شین ژی منگ “ سمیت آٹھ  فوجی افسران ہلاک ہو گئے۔

تائیوان کی وزارت دفاع کی جانب سے امدادی کارروائیوں کا آغازکردیا گیاہے تاہم ابھی تک زخمیوں سے متعلق کوئی تفصیلات جاری نہیں کی گئی ہیں ۔یہ حادثہ ایسے وقت میں پیش آیا ہے جب ملک میں ایک ہفتے کے بعد صدارتی اور پالیمانی الیکشن 11 جنوری کو ہونے جارہے ہیں ۔

تائیوان کے صدرنے اپنے الیکشن کی تمام کمپیئن منسوخ کر دی ہیں اور حکام کو ہر ممکن امداد کی ہدایات جاری کر دی ہیں۔