وسیم اختر کے بیٹے کے مبینہ تشدد سے نوجوان زخمی

کراچی کے علاقے ڈیفنس میں میئر وسیم اختر کے بیٹے کے مبینہ تشدد سے نوجوان زخمی ہو گیا ہے ۔

نجی ٹی وی کے مطابق تشدد سے زخمی ہونے والے نوجوان حسنین حیدر کا کہنا ہے کہ سال نو پر ڈیفنس فیز8 میں پیٹرول پمپ پر ڈبل کیبن میں سوار گارڈ نے ہوائی فائرنگ کی، گارڈز سے فائرنگ کی وجہ دریافت کرنے پر مجھے تشدد کا نشانہ بنایا گیا۔

حسنین حیدر نے الزام عائد کیا ہے کہ اس پرتشدد کرنے والوں میں میئر کراچی وسیم اختر کا بیٹا شامل ہے۔پولیس نے حسنین حیدرکی مدعیت میں میئرکراچی وسیم اخترکے بیٹے تیمور وسیم اورگارڈز کے خلاف مقدمہ درج کرکے تحقیقات کا آغازکردیا ہے۔