بنگلہ دیش نے پاکستان کیخلاف ٹی 20 سیریزکیلیے ٹیم کا اعلان کردیا

بنگلہ دیش نے پاکستان کیخلاف ٹی 20 سیریز کیلیے ٹیم کا اعلان کردیا،بنگلہ دیش ٹیم کی قیادت محمود اللہ کریں گے۔

میڈیارپورٹس کے مطابق بنگلہ دیش نے پاکستان کیخلاف ٹی 20 سیریز کیلیے ٹیم کا اعلان کردیاہے،بنگلہ دیش ٹیم کی قیادت محمود اللہ کریں گے۔تمیم اقبال، سومیا سرکار،نعیم شیخ بنگلہ دیش ٹیم کاحصہ ہیں جبکہ نجم الحسن ،لٹن داس،محمد متھن،عفیف حسین بھی ٹیم میں شامل ہیں۔

مہدی حسین ،امین الحق، مستفیض الرحمان، الامین حسین،شفیق السلام بھی بنگلہ دیش ٹیم کا حصہ ہیں ،روبیل حسین اور حسن محمد کوبھی بنگلہ دیش اسکواڈ میں شامل کرلیاگیا۔

میڈیارپورٹس کے مطابق بنگال ٹائیگرز23 جنوری کولاہورپہنچیں گے۔دونوں ٹیموں کے درمیان پہلا ٹی 20 میچ 24 جنوری کو قذافی سٹیڈیم لاہورمیں کھیلا جائے گا۔