امريکا۔ چرچ میں فائرنگ۔2 افراد ہلاک

فلوریڈا پولیس نے کہا ہے کہ فلوریڈا کے رویرا بیچ میں واقع چرچ میں سہ پہرکے وقت ایک جنازے کے بعد 4 افراد کو گولی ماردی گئی جن میں سے 2 افراد ہلاک ہوگئے۔

غیر ملکی میڈیا کے مطابق فلوریڈا کے رویرا بیچ میں واقع چرچ میں ایک جنازے ک فوری بعد فائرنگ شروع ہو گئی جس میں 15سالہ لڑکا اورایک شخص موقع پر دم توڑ گیا جبکہ ایک خاتون اورنوعمرکو بھی گولی لگی۔

فائرنگ کا واقعہ خاندانی دشمنی کا نتیجہ قراردیا جا رہا ہے تاہم اس حوالے سے کسی شخص کی گرفتاری کی اطلاع نہیں۔

دوسری طرف رویراپولیس نے اس بات کی تصدیق کر دی ہے کہ واقعہ میں 15 سالہ بچے سمیت 2افراد ہلاک جبکہ خاتون سمیت 2 زخمی ہیں۔فائرنگ سے زخمی ہونے والے افراد کو مقامی ہسپتال منتقل کر دیا گیا ہے جہاں ان کی حالت خطرے سے باہر بتائی جا رہی ہے ۔پولیس نے فائرنگ کے واقعہ کی تحقیقات شروع کردی ہیں۔