اٹلی کے آرمی چیف بھی کرونا وائرس کا شکار

اٹلی کے چیف آف آرمی اسٹاف بھی کورونا وائرس کا شکارہوگئے۔

غیر ملکی خبر رساں ایجنسی کے مطابق اٹلی کے آرمی چیف جنرل سالواتور فارینا کا کرونا وائرس ٹیسٹ مثبت آ گیا۔ اطالوی جنرل سالواتور فارینا نے خود کو گھر میں آئسولیٹ کرلیا۔

اٹلی کے آرمی چیف جنرل سالواتورفارینا کی جگہ چیف آف اسٹاف جنرل فیڈریکو بوناٹو کو آرمی چیف کی ذمے داریاں سونپ دی گئیں۔

واضح رہے کہ دنیا بھر میں کرونا وائرس سے اب تک ہلاک ہونے والے افراد کی تعداد 3 ہزار 830 ہو چکی ہے جبکہ وائرس سے متاثرہ افراد کی تعداد ایک لاکھ 10 ہزار سے تجاوز کر گئی۔

چین میں کرونا وائرس سے مزید 22 افراد ہلاک ہو گئے جس کے بعد چین میں ہلاکتوں کی تعداد 3 ہزار 119 ہو گئی۔ چین میں کورونا وائرس سے متاثرہ افراد کی تعداد بڑھ 80 ہزار 735 ہو گئی۔ جنوبی کوریا میں بھی مزید 3 افراد کی ہلاکت کے بعد وہاں ہلاکتوں کی تعداد 53 ہو گئی۔