عراق میں فوجی اڈے پر حملہ۔2 امریکی،ایک برطانوی فوجی ہلاک،12 زخمی

رپورٹ کے مطابق نام ظاہرنہ کرنے پراعلیٰ امریکی عہدیدارنے خدشہ ظاہرکیا ہے کہ ہلاکتوں کی تعداد میں اضافہ ہوسکتا ہے۔

حملے کی ذمے داری کے حوالے سے کیے گئے سوال کا جواب دیتے ہوئے انہوں نے کہا کہ ابھی کسی کو اس کا ذمہ دار قرار دینا قبل از وقت ہوگا۔اگر حملے میں ایرانی حمایت یافتہ گروپ ملوث نکلا تو صورتحال مزید خراب ہوسکتی ہے۔

رپورٹ کے مطابق حملے کے بعد امریکی وزیر خارجہ مائیک پومپیونے برطانوی ہم منصب ڈومنیک راب سے ٹیلی فونک رابطہ کیا ہے اور اس دوران دونوں رہنماوں نے اس بات پراتفاق کیا ہے کہ حملے کے ذمے داران کو کڑی سزادی جائے گی۔

یاد رہے کہ جنوری میں ایران کے اعلیٰ کمانڈرجنرل قاسم سلیمانی کی امریکی حملے میں ہلاکت کے بعد پیدا ہونے والی کشیدگی کے بعد اب یہ پہلا حملہ ہے ۔

امریکی فوج کے مطابق حملے میں 107ایم ایم کٹیوشا راکٹس استعمال کیے گئے اوربظاہر یہ محسوس ہوتا ہے کہ حملوں کیلیے کسی ٹرک کو استعمال کیاگیا۔