کرونا وائرس انسانوں کوتیزی سے نگلنے لگا

دنیا بھر میں کرونا وائرس انسانوں کوتیزی سے نگلنے لگا،اموات کی تعداد 8 ہزارسے تجاوزکرگئی۔

غیر ملکی خبر رساں ایجنسی کے مطابق دنیا بھر میں کرونا وائرس سے متاثرہ افراد کی تعداد 2 لاکھ 2 سو ہو گئی جبکہ 82 ہزار813 صحت یاب ہو چکے ہیں۔

اٹلی میں گزشتہ 24 گھنٹے کے دوران 345 افراد ہلاک ہو گئے جس کے بعد اٹلی میں ہلاکتوں کی کل تعداد 2 ہزار 503 ہو گئی اورمزید 3 ہزار 526 افراد میں وائرس کی تصدیق ہوئی جبکہ ایران میں 135 افراد کی ہلاکت کے بعد اموات کی تعداد 988 ہو گئی اورایک ہزار178 افراد میں وائرس کی تصدیق ہوئی۔

امریکہ میں 29 افراد کی ہلاکت کے بعد اموات کی تعداد 115 تک پہنچ گئی اور مزید ایک ہزار846 افراد میں وائرس کی تصدیق ہوئی۔ اسپین میں بھی کرونا وائرس کے اثرات میں تیزی آ گئی اور24 گھنٹے کے دوران مزید 191 افراد کی موت ہو گئی جس کے بعد ہلاکتوں کی تعداد 533 ہو گئی۔

ترکی میں بھی کرونا وائرس سے پہلی ہلاکت کی تصدیق ہو گئی اور51 نئے کیسز رپورٹ ہوئے جس کے بعد ترکی میں کرونا وائرس سے متاثر افراد کی تعداد 98 ہو گئی۔

فرانس میں بھی کرونا وائرس سے مزید 27 افراد کی ہلاکت کے بعد اموات کی تعداد 175 ہو گئی۔ برطانیہ میں 16 افراد کی ہلاکت کی تعداد وہاں اموات کی تعداد 71 تک پہنچ گئی۔