فلوریڈا میں خوفناک آتشزدگی۔3500 گاڑیاں جل کر راکھ

غیر ملکی میڈیا کے مطابق فلوریڈا ائیرپورٹ کے قریب کرائے کی گاڑیوں کے فارم پر لگنے والی والی ہولناک آگ سے 3500 گاڑیاں جل کر تباہ ہو گئی ہیں،پندرہ ایکٹر رقبے پر محیط کرائے کی گاڑیاں کھڑی کی گئی تھیں کہ گھاس میں لگنے والی آگ نے دیکھتے ہی دیکھتے ان گاڑیوں کو اپنی لپیٹ میں لے لیا۔

آگ اتنی ہولناک تھی کہ کئی کلومیٹر دوری سےآگ کےشعلے دیکھے جا سکتے تھے،آگ کی اطلاع ملتے ہی امدادی کارروائیاں شروع کر دی گئیں جبکہ آگ بجھانے کے لیے ہیلی کاپٹرز کا بھی استعمال کیا گیا۔

جمعہ کے روز لگنے والی آگ پر جب قابو پایا گیا تو اس وقت تک 35سو گاڑیاں جل کر تباہ ہو چکی تھیں ۔سرکاری حکام کا کہنا ہے کہ آگ لگنے کے افسوسناک واقعہ کی تحقیقات کی جا رہی ہیں۔