باجماعت نماز پر پابندی کے احکامات کی مخالفت پر گورنر برطرف

تفصیلات کے مطابق سوڈان کے وزیراعظم عبداللہ حمدوک نے دارالحکومت خرطوم کے گورنر کو برطرف کر دیا ہے۔ گورنر نے اس سے قبل ملک میں کورونا کے پھیلاؤ کو روکنے کے لیے مذہبی اجتماعات پر لگائی جانے والی پابندی کی مخالفت کی تھی۔

خرطوم کے گورنر جنرل احمد حماد محمد نے اُس حکم پر عمل درامد کرنے سے انکارکردیا تھا جس کے تحت گرجائوں اور مساجد میں عبادت پر پابندی عائد کی گئی تھی۔

 سوڈان ٹربیون کے مطابق وزارت مذہبی امور کی جانب سے ملک بھرمیں عبادات اور اجتماعات پر پابندی عائد کی تھی جس پرگورنر احمد حماد نے وزارت کو جوابی خط لکھا اور پابندیوں کو ماننے سے انکار کردیا تھا۔احمد حماد کے خط کا وزیراعظم نے نوٹس لیااور انہیں عہدے سے ہٹا دیا۔

Sudan’s Prime Minister Abdallah Hamdok Thursday dismissed the governor of Khartoum state after contesting a government’s decision to suspend Friday and Sunday prayers in the mosques and churches.https://t.co/0Gs7YkCCed pic.twitter.com/bcTDH5PRpH

— Sudan Tribune (@SudanTribune_EN) April 17, 2020

خیال رہے سوڈان میں فی الحال 32 کیسز رپورٹ ہوئے ہیں جبکہ اب تک پانچ افراد کوروناوائرس کی وجہ سے لقمہ اجل بن چکے ہیں۔