سندھ میں کورونا سے اموات 374ہوگئیں

سندھ میں گزشتہ 24 گھنٹوں کے دوران کورونا کے573 نئے کیسز رپورٹ ہوئے جبکہ مزید5 افراد جاں بحق ہو گئے جس سے سندھ میں کورونا سے اموات کی تعداد 374ہوگئی۔

میڈیارپورٹس کے مطابق وزیراعلیٰ سندھ مرادعلی شاہ نے کہاہے کہ گزشتہ 24 گھنٹوں میں عالمی وباکورونا وائرس کے باعث مزید5 مریض انتقال کرگئے جس کے بعد صوبے میں ہلاکتوں کی تعداد374 ہو گئی۔

ان کاکہنا ہے کہ گزشتہ 24 گھنٹوں میں کورونا کے 573 نئے کیسزسامنے آئے ہیں جس سے سندھ میں کورونا وائرس کے مریضوں کی تعداد 23ہزار507ہوگئی۔

مرادعلی شاہ نے کہاکہ 24 گھنٹوں میں 2 ہزار327 ٹیسٹ کیے جس میں 573 نئے کیسز سامنے آئے،اب تک ایک لاکھ 61 ہزار628 ٹیسٹ کئے جا چکے ہیں ،کل عید کے دن کے حساب سے ٹیسٹ بڑھائے گئے ،انہوں نے کہاکہ 248 مریضوں کی حالت تشویشناک49 مریض وینٹی لیٹرز پر ہیں ۔