موجودہ حکمران بھی کورونا ہیں جو ملک کو چمٹ گئے ہیں۔خواجہ آصف

مسلم لیگ ن کے رہنما خواجہ آصف نے کہا ہے ہے کہ قوم کو اصلیت کا پتا چل چکا ہے جو مرضی ڈینٹنگ پیٹنگ کرالیں ، اللہ کا واسطہ! یہاں آکر تاریخ اورجعرافیہ کا لیکچر ہمیں نہ دیں۔

قومی اسمبلی میں اظہار خیال کرتے ہوئے انہوں نے کہا کہ جو تباہی ان کی صورت میں نازل ہوئی ہےاس کوریورس کرناہےتو ان سےجان چھڑائیں، یہ خود کورونا ہے جواس ملک کو چمٹ گئے ہیں۔

خواجہ آصف نے کہاکہ یہ نعرہ نہیں کہ گھبرانا نہیں،یہ فلو نہیں کورونا ہے لاکھوں لوگ مرگئے،آسٹریلیا کہتا ہے کہ ہمارے یہاں کورونا پاکستان سے آرہا ہے۔

خواجہ آصف نے کہاکہ یہ میرٹ کی بات کرتے ہیں تو جہانگیرترین  لندن میں کیوں بیٹھا ہے،اسے جیل میں ہونا چاہیے تھا۔

خواجہ آصف نے کہاکہ آج بھی کھڑے ہوکر ہمارے دور سےمتعلق اعدادو شمارغلط بتارہے تھے،یہ سیاست تو چھوٹے ضلعوں اور تھانوں میں ہوتی ہے جو وزیراعظم نے کی۔