افغان حکومت طالبان کی رہائی کا عمل روکے، فرانس
فرانس نے طالبان قیدیوں کی رہائی کے افغانستان حکومت کےفیصلےپر تحفظات کا اظہار کردیا
افغان طالبان کے 200 اسیروں کو کابل کی مرکزی جیل سے رہا کیا گیا
فرانسیسی وزارت خارجہ نے اپنے بیان میں فرانسیسی شہریوں کے قتل میں ملوث افراد کی رہائی پر گہری تشویش ظاہر کی ۔
وزارت خارجہ نےمزید کہاکہ طالبان قیدیوں نے فرانسیسی شہریوں کو قتل کیا ،ان کی رہائی کی مخالفت کرتے ہیں۔
فرانسیسی وزارت خارجہ کےمطابق رہائی کی منظوری پانے والے طالبان قیدیوں نے فرانس کے فوجیوں اور امدادی کارکنوں کو قتل کیا ۔
اپنے بیان میں فرانسیسی وزارت خارجہ نے افغان حکومت سے مطالبہ کیا کہ وہ طالبان قیدیوں کی رہائی کے عمل کو فوری طور پر روکے ۔
واضح رہےکہ افغان لویہ جرگہ نے طالبان کے 400 قیدیوں کی رہائی کی منظوری دی تھی ،افغانستان حکومت کے اس عمل کا امریکا نے بھی خیر مقدم کیا تھا ۔