اسرائیل اور یو اے ای کے سفارت کاروں کی پہلی کھلے عام ملاقات

یو اے ای اور اسرائیل کے درمیان تعلقات کی بحالی کے بعد سفارت کاروں کی پہلی کھلی ملاقات نائیجیریا میں ہوئی۔

تفصیلات کے مطابق نائیجیریا میں متحدہ عرب امارات اور اسرائیل کے متعیّن سفارتی ایلچیوں نے اتوارکے روز سرعام ملاقات کی۔ دونوں ملکوں کے درمیان گزشتہ ماہ امن معاہدہ طے پانے کے بعد دونوں ممالک کے سفیر پہلی مرتبہ اس طرح کھلے عام ملے ہیں اورانھوں نے دوطرفہ دلچسپی کے امورپرتبادلہ خیال کیا۔

In a historic meeting, the Ambassador of The State of #Israel to Nigeria, H.E. Shimon Ben-Shoshan, hosted the Charge d’Affaires of the #UAE in Nigeria, H.E. Khalifa Al Mehrizi, following the announcement on the normalization of the relations between the countries. #IsraelUAE pic.twitter.com/f97iXHo66y

— Israel in Nigeria (@IsraelinNigeria) September 6, 2020

اسرائیلی حکومت کی طرف سے سوشل میڈیا پر جاری کردہ ویڈیوز اور تصاویر کے مطابق نائیجیریا میں متعیّن اسرائیلی سفیر شمعون بن شوشان نے اسی ملک میں تعینات یو اے ای کے سفارت خانے کے ناظم الامور خلیفہ المہریزی کا عربی زبان میں خیرمقدم کیا ہے اور اسلامی کلمات ”السلام علیکم” (تم پر سلامتی ہو) ادا کیے ہیں۔

وہ ایک دفتر میں صوفہ کی نشستوں پر بیٹھے تبادلہ خیال کررہے ہیں اوران کے نزدیک میزپراماراتی اور اسرائیلی پرچم پڑے نظر آرہے ہیں۔