نیشنل ٹی ٹوئنٹی کا میلہ کل سے راولپنڈی میں سجے گا

نیشنل ٹی ٹوئنٹی کپ کا پہلا مرحلہ ملتان میں مکمل ہوگیا، اب یہ میلہ کل سے راولپنڈی میں سجے گا۔ ٹیموں نے راولپنڈی میں ڈیرے ڈال دیے۔
ایونٹ کے پہلے مرحلے میں بیٹسمنوں کا پلہ بھاری رہا، اب تک عبد اللّٰہ شفیق بیٹنگ اور شاہین شاہ بولنگ میں سر فہرست ہیں۔
پاکستان کرکٹ بورڈ (پی سی بی) نے کھلاڑیوں کی ملتان سے پنڈی کے سفر کی ویڈیو جاری کی ہے جس میں محمد عامر ٹیم بس میں ہلہ گلہ کرتے نظر آئے۔
ملتان میں ہونے والے پہلے مرحلے میں ناردرن کی ٹیم ناقابلِ شکست رہ کر ٹاپ پوزیشن پر موجود ہے، دفاعی چیمپئن ناردرن اب تک ٹی ٹوئنٹی فارمیٹ میں لگاتار 11 فتوحات اپنے نام کرچکی، کے پی دوسرے اور بلوچستان تیسرے نمبر پر موجود ہے۔