زمبابوے کرکٹ ٹیم اسلام آباد پہنچ گئی

پاکستان سے سیریز کے لیے زمبابوے کرکٹ ٹیم اسلام آباد پہنچ گئی ہے جہاں پی سی بی آفیشلز نے ٹیم کا استقبال کیا۔

زمبابوے کرکٹ ٹیم اتحاد ایئرلائن کی پرواز EK612 کے ذریعے اسلام آباد انٹرنیشنل ایئرپورٹ پہنچی جہاں پی سی بی حکام نے مہمان ٹیم کا استقبال کیا اور سخت سیکیورٹی میں ٹیم کو اسلام آباد کے ہوٹل میں پہنچایا گیا، زمبابوے کرکٹ ٹیم کو کورونا ٹیسٹ کے بعد ایس او پی کے مطابق تقریبا ایک ہفتے تک قرنطینہ میں رکھا جائے گا۔

دورہ پاکستان کے دوران زمبابوے کی ٹیم 3 ون ڈے میچز کھیلے گی، پہلا ون ڈے میچ 30 اکتوبر کو راولپنڈی میں کھیلا جائے گا، دوسرا ون ڈے یکم نومبر جب کہ تیسرا اور آخری میچ 3 نومبر کو کھیلا جائے گا۔