نجی کمپنی کے تیزاب کے ٹینک میں گر کر جھلسنے والا مزدور دوران علاج ذندگی کی بازی ہار گیا۔

 

متوفی کی شناخت 41 سالہ مشتاق کے نام سے ہوئی ہے، اس حوالے سے ڈاکٹروں کی رپورٹ کے مطابق متوفی کا جسم 94 فیصد جھلس چکا تھا ۔

امت کو کمپنی سے منسلک اندرونی زرائع نے بتایا ہے کہ واقعے پیش آنے والی رات کی صبح سویرے کمپنی کا جی ایم خود کمپنی آیااور اپنی نااہلی چھپانے کے لئے اپنی نگرانی میں تیزاب ٹینک کے اطراف حفاظتی گرل لگا دی ۔

زرائع نے ڈپیارٹ میں پیش آنے والے واقعے سے قبل اور جی ایم کی جانب سے لگائی گئی گرل کے تصاویر بھی ارسال کی ہیں۔

اس ضمن میں ایس ایچ او قائد آباد آمین کھوسہ سے رابطہ کیا تو ان کا کہنا تھا کہ نجی کمپنی میں پیش آنے والے واقعے سے انتظامیہ نے پولیس کو اگاہ نہیں کیا تھا ، سول اسپتال کے ایم ایل او رپورٹ آنے پر اطلاع ملی متاثرہ فیملی سے رابطہ میں ہیں ،پوسٹ مارٹم رپورٹ آنے پر مقدمہ درج کیا جائیگا۔