موٹرسائیکل لفٹنگ میں ملوث گروہ گرفتار

گلشن معمار سے موٹرسائیکل لفٹنگ میں ملوث گروہ گرفتارکرلیا گیا۔گرفتار ملزمان عادی مجرم ہیں اور منشیات فروش گروہ دادن ابڑو گروپ سے تعلق رکھتےہیں۔

تفصیلات کے مطابق پولیس نے انٹیلیجنس اطلاعات پرگلشن معمار نورستان سپراسٹورکے قریب کارروائی کی،گرفتار ملزمان اسٹریٹ کرائم کی وارداتوں میں بھی ملوث تھے۔
ملزمان کے قبضے سے جدید نوعیت کے دو پستول بمعہ ایمونیشن و ڈیڑھ کلو سے زائد اعلی کوالٹی کی چرس اور مسروقہ موٹرسائیکل برآمد ہوئی ہے۔ملزمان سے برآمد موٹرسائیکل تھانہ عزیز بھٹی کے علاقے سے چوری کی گئی تھی۔

گرفتار ملزمان میں حضرت بلال، سلیمان اور محمد بھنڈ عرف محمد علی شامل ہیں۔ملزمان سے برآمد اسلحہ فارنزک معائنے کیلئے بھیجا جائیگا
ملزمان گلشن معمار سمیت شہر کے مختلف علاقوں میں ڈکیتی اور راہزنی کی واردتوں میں پولیس کو مطلوب تھے۔ ملزمان عادی مجرم ہیں اور منشیات فروش گروہ دادن ابڑو گروپ سے تعلق رکھتےہیں۔

 ملزمان سے مزید تفتیش کی جا رہی ہے۔ مزید ساتھی ملزمان کی گرفتاریاں اور مسروقہ موٹرسائیکلیں ملنا متوقع ہیں۔ ملزمان کیخلاف ضابطے کی کارروائی جاری ہے۔