گلبرگ۔مقابلے کے بعد 2 ملزمان زخمی حالت میں گرفتار

گلبرگ پولیس نے مقابلے کے بعد 2 ملزمان کو زخمی حالت میں گرفتارکرلیا جن کے قبضے سے ناجائز اسلحہ ،ایک موٹر سائیکل اور3 موبائل فون برآمد ہوئے۔

پولیس ذرائع سے موصولہ اطلاعات کے مطابق گزشتہ روز گلبرگ پولیس پارٹی حسب معمول پیٹرولنگ پر تھی کہ بانہ پیلس کریم آباد شاھراہ پاکستان کے قریب اسٹریٹ کرمنلز کے ساتھ  مقابلہ ھوا جس میں ایک ملزم زخمی ھوگیا ،پولیس پارٹی کی جانب سے پیشہ وارانہ مہارت کا استعمال کرتے ہوئے 2ملزمان کو گرفتارکرلیا۔
زخمی ملزم ارحم ولد فخر سے ایک عدد ناجائز ٹی ٹی پسٹل جبکہ ملزم عمر ولد محمد یونس سے بھی ایک ناجائز ٹی ٹی پسٹل برآمد ھوا۔
ملزمان کی مزید تلاشی سے چھینے گے موبائل فون و نقد رقم کے علاوہ ایک موٹر سائیکل ھونڈا 70 بھی برآمد ھوئی۔

ابتدائی تفتیش کے دوران ملزمان نے کراچی کے مطابق ملزمان پر شہر کے مختلف تھانوں میں مقدمات بھی موجود ہیں اور ملزمان کے کئی دفعہ جیل کی ہوا کھانے کا بھی انکشاف کیاہے جس سے ظاہرھوتا ھے کہ گرفتار ملزمان جنہیں مقابلہ کے بعد گرفتارکیا گیا عادی مجرم ہیں۔
گرفتار ملزمان کے خلاف پولیس مقابلہ کی دفعات کے علاوہ ناجائز اسلحہ برآمدگی کے مقدمات بھی درج کیے گئے ہیں۔
ملزمان کو مزید تفتیش کے لیے شعبہ تفتیش پولیس کے سپرد کردیا گیا ہے ۔اس حوالے سے ایس ایچ او گلبرگ فرخ ہاشمی نے بتایا کہ پولیس اپنی ڈیوٹی مکمل ایمانداری اورہوشیاری سے سر انجام دے رہی ہے انشاء اللہ جلد اسٹریٹ کرائم پر قابو پا لیا جائے گا۔