مسکن چورنگی دھماکہ‘5 میں سے 3 میتیں آبائی گائوں روانہ

کراچی:مسکن چورنگی دھماکے میں جاں بحق ھونے والے5 افراد میں سے 3کی میتوں کو ایدھی ایمبولینسسز کے ذریعے ان کے آبائی گاؤں روانہ کر دیا گیا ہے جبکہ باقی 2 میتوں کو ان کے ورثا کے حوالے کیا گیا ہے۔
خیال رہے گلشن اقبال میں واقع ایک رہائشی عمارت میں دھماکے کے نتیجے میں 5 افراد جاں بحق جب کہ 30 زخمی ہوگئے تھے۔
دھماکا 4 منزلہ رہائشی عمارت کی پہلی منزل پر ہوا تھا، دھماکے کی شدت اس قدر زیادہ تھی کہ اس سے ناصرف عمارت کی 2 منزلیں مکمل طور پر تباہ بلکہ پارکنگ میں کھڑی گاڑیاں بھی ملبے تلے دب گئی تھیں۔
دھماکے کے 30 زخمیوں کو اسپتال پہنچایا گیا ہے جن میں سے 5 دم توڑ گئے جب کہ 7 کی حالت تشویش ناک بتائی جارہی ہے۔