صعنتی علاقوں میں جرائم کے تدارک کے لیے کوشاں ہیں،ڈی آئی جی ویسٹ

کیپٹن (ر) عاصم خان ڈی آئی جی ویسٹ کراچی نے ایس ایس پی ڈسٹرک سینٹرل، ایس پی گلبرگ و ڈی ایس پی آپریشن نارتھ کے ہمراہ کراچی ایسوسی ایشن آف ٹریڈ اینڈ انڈسٹری کا دورہ کیا۔
ایسوسی ایشن کے صدر و دیگر عہدے داروں نے ڈی آئی جی ویسٹ ایس ایس پی سینٹرل و ایس پی گلبرگ کا استقبال کیا۔
نارتھ کراچی ایسوسی ایشن کے صدر نے ڈی آئی جی ویسٹ زون کو نارتھ کراچی انڈسٹریل ایریا میں امن و امان کی صورتحال سے آگاہ کیا اور پولیس کی جانب سے علاقے میں گشت کرنے اور جرائم پیشہ کے خلاف کارروائی سے آگاہ کیا اور اس پر اطمینان کا اظہار کیا۔
ڈی آئی جی ویسٹ زون کیپٹن (ر) عاصم خان نے کہا کہ پولیس کی جانب سے نارتھ کراچی ٹریڈ و انڈسٹری کو ہر ممکن سیکیورٹی فراہم کی جارہی ہے ایریا میں پولیس کی موبائلز اور موٹر سائیکلوں پر گشت کیا جارہا ہے۔خارجی اور داخلی راستوں پر پولیس کی پکٹیں لگائی گئی ہیں تاکہ انڈسٹریل ایریا میں جرائم کی وارداتیں نہ نے پائیں۔ تاجر اور صنعتکار پرامن ماحول میں تجارتی اور پیداواری صلاحیت بڑھائیں اور ملک و قوم کی ترقی میں کردار ادا کریں۔
ڈی آئی جی ویسٹ نے نارتھ کراچی ٹریڈ و انڈسٹری کے عہدہ داروں کو مزید اپنے ہر ممکن تعاون کا یقین دلایا۔