خواتین پولیس اہلکار تربیت میں مرد اہلکاروں پر بازی لے گئیں

رپورٹ:شرجیل مدنی

کراچی کے پولیس ٹریننگ سینٹر میں زیرتربیت پولیس اہلکار لڑکیاں بازی لے گئیں۔
پولیس ٹریننگ کالج سعید آباد میں پریکٹیکلز میں لیڈی اہلکاروں کی کی کارکردگی مرداہلکاروں سے بہتر رہی۔
لیڈی اہکاروں کی جانب سے نائن ایم ایم پستول 6 سیکنڈ میں کھولنے اور 10 سیکنڈ میں جوڑنے کا عملی مظاہرہ کیا گیا۔
لیڈی اہلکاروں نے کلاشنکوفیں 12 سیکنڈ میں کھول کر اتنے ہی وقت میں جوڑ دیں۔ سب مشین گنیں کھولنے جوڑنے میں بھی زیرتربیت لیڈی اہلکاروں کے بیج نے سبقت حاصل کی۔
جی تھری اور ایم پی فائیو رائفلز بھی مہارت سے کھولنے اور جوڑنے کا مظاہرہ کیاگیا۔
پرنسپل شاہد حیات ٹریننگ سینٹر ایس ایس پی شوکت کھٹیان کا کہنا ہے کہ پولیس ٹریننگ سینٹر میں اب تک ایسی پیشہ ورانہ مہارت نہیں دیکھی۔ کراچی کی 71 لیڈیز اہلکاروں کا یہ بیج مہارت میں سب سے آگے ہے۔ مختلف نوعیت کے امتحانات میں بھی لیڈی کانسٹیبلز ماضی پر بھاری رہیں۔