قیوم آباد میں غیرقانونی عمارت مسمارکرنے کا معاملہ نوٹوں تلے دب گیا

بلڈر آصف عرف کے اور سندھ بلڈنگ کنٹرول اتھارٹی کورنگی ٹاﺅن کے بعض افسران کی ملی بھگت سے مذکورہ بلڈنگ میں کچھ خاندانوں کو رہائش اختیارکروادی گئی ہے اوراندروں خانہ غیر قانونی تعمیرات اب بھی جاری ہیں ۔

باخبر ذرائع کا کہنا ہے کہ اینجل ہائٹس نامی غیر قانونی اور ناقص مٹیریل سے تیارکیے گئے رہائشی پراجیکٹ کے بلڈر آصف عرف کے نے اپنی غیر قانونی تعمیرات کو بچانے کے لیے ایس بی سی اے کورنگی ٹاﺅن کے افسران کو لاکھوں روپے رشوت دے چکے ہیں ۔

گزشتہ دنوں جو ڈپٹی ڈائریکٹر کورنگی ٹاﺅن نے احکامات جاری کیے تھے ان احکامات کو رکوانے کے لیے بھی ڈپٹی ڈائریکٹر کورنگی ٹاﺅن کو بلڈر آصف کے کی جانب سے رشوت دے کر خاموش کروادیا گیا ہے ۔ مذکورہ احکامات کو ردی کی ٹوکری میں ڈال دیا گیا ہے ۔

سندھ بلڈنگ کنٹرول اتھارٹی کی جانب سے جاری کیا گیا لیٹر

بلڈر آصف عرف کے نے مذکورہ غیر قانونی اورغیر معیاری مٹیریل سے تعمیر کیا گیا رہائشی پراجیکٹ اینجل ہائٹس کروڑوں روپے مالیت کی سرکاری اراضی پر قبضہ کرکے تیارکیا ہے اور ڈپٹی ڈائریکٹرکے ایم سی کچی آبادی قاضی عارف نے بھی اس مد میں 3لاکھ روپے سے زائد کی رقم بلڈر آصف عرف کے سے وصول کی ہے ۔

بلڈر آصف عرف کے کی جانب سے علاقہ مکینوں کے ٹیکس سے بنائی گئی گلیاں جو علاقہ مکینوں کی گزرگاہ ہے ان پر بھی قبضہ کیا ہوا ہے جس کی متعدد شکایات ہونے کے باوجود ڈپٹی ڈائریکٹرکے ایم سی کچی آبادی عارف قاضی بلڈر آصف سے قبضہ چھڑوانے میں ناکام نظر آتے ہیں ۔